夫婦親密關係的培養

如何培養親密關係

婚姻尤如植物一樣，需要適當滋潤才能茂盛地生長；因此，給予配偶關心、支持、體諒及加點心思是非常重要的。

• 發掘共同興趣或活動，如：運動、行山、煮食、收集共同有趣的物件、看電影等。

• 好好分配工作、家務及照顧子女的時間，爭取二人相處時間，互相溝通，增進感情：如行公園、逛市場等。

• 夫婦仍然需要二人世界的時間，要繼續維持以往的拍拖活動。

• 經常向配偶表示愛意及體會配偶的辛勞，如﹕預備配偶所喜愛的食物、送小禮物、發放短訊或親口說出「我愛你」、「今日過得怎樣？」等。

• 慶祝特別日子，如：結婚週年、生日等。

• 親密小動作以加強溫暖和親密感，例如：拖手、輕吻、擁抱、撘拍搭頭或按摩等。

你是否有以下的看法呢？請圈出你的選擇

• 生活情趣 - 肉麻當有趣！老夫老妻根本用不著！Yes / No？

• 生活情趣 - 既花精神又花金錢，真係要認真諗過先！Yes / No？

• 生活情趣 - 有得一次就要有第二、三……次，慾望無止境，最好就係唔好開始喇！Yes / No？

• 生活情趣 - 只係有錢人家嘅玩意，我地啲平民百姓憂柴又憂米，簡直趣不起來！Yes / No？

• 生活情趣 - 咁抽象，想不透時又捉不著，最好係唔好搞咁多花臣，俾啲心機搵真銀！Yes / No？

• 生活情趣 - 其實冇乜趣，皆因對手唔識趣，我亦懶得添情趣！Yes / No？

• 生活情趣 - 只係鬼佬玩意，中國人不愛呢一套。尊重中國文化，不用崇洋媚外！Yes / No？

• 生活情趣 - 我都想，但係方法道理全不曉，向人請教又尷尬，都係收埋把口獨自閉翳！Yes / No？

• 生活情趣 - 只係啲生意佬想出嚟嘅綽頭嘢，冇佢，邊有咁多人出嚟飲飲食食同消費呀！？Yes / No？

  以上各種睇法均足以破壞婚姻的樂趣，在此懇請各位夫婦小心小心，免積存過量的發霉睇法，否則婚姻失調，傷心傷身。